Tom yau su dady da hajiya kaka da kuma momy jirginsu ya d’aga zuwa saudiya.
Ammi kuwa tana gida tana kula da yaranta.............

Now book on 2023
[11/06, 22:24] Maman Xuhra: “ADALILINTA”
ADALILINTA💜❤️💜

BY AMINA I BAYERO💜❤️💜

Typing..........

*page 38*
Tom yau su dady da hajiya kaka da kuma momy jirgin su ya d’aga zuwa saudiya. Ammi kuwa tana gida tana kula da yaranta.........

Tom yau kimanin sati biyu kenan da tafiyar su dady, ammi kuwa tana gida ita da yaranta hankali kwance, kullum mashkhur da su abdul suna zuwa makaranta, itakuma ammi tana zaune ita da ‘yan biyun ta wato zahra da ilham wandda yanzu har sun fara tafiya.
Yauma mashkhur sun dawo daga makaranta ya baje littattafai yana assignment, yana cikin yin rubutu yaji fitsari, nan da nan ya tashi ya tafi d’akin sa domin yin fitsari.

Zahra da ilham ne suka shigo falo riqe da hannun juna, sun samu falon ba kowa sai littattafan mashkhur abaje a wajan. Da sauri ilham ta nufi indda ya ajiye littafin da biro, tana zuwa ta d’auki biron ta fara jagwalgwalo a littafin da mashkhur yake assignment, bayan ta gama ta miqawa zahra littafin da biron alamin itama tayi jagwalgwalon, kar6a zahra tayi bata kai da rubutun ba mashkhur ya shigo yaga book d’in a hanunta.

Ae kuwa zahra tana ganin mashkhur ya nufo su tai sauri ta yarda littafin da biron ta shige bayan ilham a tsorace, sabida zahra tana mugun tsoran mashkhur sabida zalincin da yake mata. Yana qarasowa ya janyo hannun tare da zafga mata mari har sau biyu, ae kuwa karaf akan idon ammi, ya kai hannu zai bige bakinta yaji wani gigitanccan saukar mari a kuncin sa. A razane ya jiyo domin ganin waye ya mareshi haka?.

Yana juyowa yayi tozali da ammi rai a b’ace take kallan sa. Da sauri ya riqe kumatinsa tare da cewa ammi laifin mai nayi haka, kike dukana cikin mamaki yake maganar, wani wawan kallo ammi ta jefa mai tare da cewa wai mai sunan baba mai zahra tayima haka ne kake takurawa rayuwar ta, na lura kana zalintar Zahra to wlh ka cigaba da dukan yarinyar nan sai ka fuskanci 6acin rai na. Tana gama fad’in hakan mashkhur ya wuce dakin sa da sauri yabar ammi tsaye a wajan.

Jinjina kai ammi tai a zuciyarta tana mamakin zalincin da mashkhur yake yiwa zahra, shida ko kallan banza baya yiwa sauran qannan nasa. Tsugunawa ammi tayi ta fara rarrashin zahra da ilham, dama haka zahra da ilham suke indai d’aya daga cikinsu ta fara kuka haka suke zama sita kuka kamar wasu ‘yan biyu. Haka ammi tai ta rarrashin su zahra har sukayi shiru.
6an garan mashkhur kuwa yana zuwa d’aki ya fad’a kan bed ya saki kuka mai cin rai.

Tinda mashkhur ya mallaki hankalin kansa” ammi bata ta6a sa hannu ta dakesa ba sai yau kuma adalilin zahra, haka mashkhur yay ta kuka yana jin tsanar zahra tana qaruwa a zuciyar sa, kuma yana sake addu’ar ALLAH ya dawo da su dady lafiya a mayar da zahra gidan ubanta. Koma suwaye iyayan nata ohoo ALLAH yasa tana da iyayan ma?, haka dai mashkhur yay ta zancan zuci shi kad’ai a d’aki.

Tom yau su dady sunyi sati uku ya rage saura sati d’aya su dawo. ammi kuwa kwalema take sosai a gidan, tama gama gyara part d’in ta. Yanzu part d’in hajiya kaka ne kawai ya rage dama momy ta kulle part d’inta kuma bata barwa ammi mukullun ba. Yau ya rage saura kwana uku su dady su dawo kuma yau ammi da abdul da kuma mashkhur suka shiga part d’in hjy kaka domin su gyara mata kuma su fitar da tarkace.

falon hajiya kaka ammi ta fara gyarawa su kuma su abdul da mashkhur suka shiga bed room suka fara futo da abubuwa marasa amfani. Sai da mashkhur da abul suka futo da tarkace da takaddu da kuma sauran abubuwa marasa amfani botiki guda suka tara, ammi kuwa cewa tayi tinda da akwai fallan Qur’ani aci su futa waje su kai wa mae gadi ya qona. Haka mashkhur da abul suka tafi suka kai wa mai gadi harda ashanar da zai qona. Ba 6ata lokaci mai gadi ya qone takaddun da su mashkhur suka kawo masa.....

Yau juma’a kuma yau ta kasance ranar da su dady zasu dawo daga saudiya. Ammi kuwa tayi girki kala-kala ta shirya tsaf tayi lalle tayi kitso, su mashkhur sun shirya tsaf sabida murna yau ko makaranta basuje ba. Suma su zahra da ilham an shiraya su ansa musu kaya kala d’aya in kagansu sai ka rantse irin yan biyun nan ne marasa kama duk da basa kama amma da yake fararene ba kowane yake kula da hakan ba.

Tofa su dady sun sauka garin NIGERIA cikin qoshin lafiya, ammi dasu mashkhur dama sauran yaran gidan sunyi farin ciki sosai. shima dady yayi murna da ganin su ammin da sauran yaransa lafiya kuma yayi missing d’in su sosai mussaman ma matar sa ammi. 6an garan hajiya kaka itama tayi farin ciki sosai kuma ta siyowa jikikon ta tsaraba kala-kala musammanma zahra da mashkhur dan duk jikokinta tanaji dasu.

Shima dady yasiyo muso tsaraba kala-kala musammanma matarsa ammi, momy kuwa ba’abindda tasiyiwa ‘yayan ammi ta dae suyowa d’anta abdul da kuma rukayya da rumaisa’u.
Tofa su dady sun kwana cikin qoshin lafiya washe gari momy ta shirya tsaf ta nufi kaduna domin kaiwa saratu tsaraba da iyayanta daga nan kuma ta daukko su ruma. Lokacin da taje kafin ta dawo har wajan boka sukaje amma bayanan haka ta dawo rai ba dad’i.

Tom yau su dady satin su biyu da dawowa daga saudiya, kuma yau dady ya tara matansa dama hajiya kaka domi su shawarta yadda za’a mayar da zahra gaban iyayan ta.
Dady ne zauna akan kujera ammi tana gefansa na dama ita kuma hajiya kaka tana kujera a gefansu itama momy tana kan kujera a zaune, zahra tana kan cinyar hajiya kaka ita kuma ilham tana zaune a gefan qafar ammi tana wasa.

Bakowa a gidan sai su kad’ai mashkhur da abdul da kuma faruq da haidar suna makaranta rukee da ruma suna part d’in momy suna bacci sabida mugunta sam momy bata barinsu su futo suyi wasa da ‘yan uwan su wai ammi kwace su zatai kamar yadda ta kwace abdul.
Dady ne yayi gyaran murya tare da cewa abindda yasa muka taro anan bakomai bane face mu mayar da zahra gaban iyayanta.

Kowa yayi shiru kwalla har ta taro a idon ammi sabida harga ALLAH tanajin zahra a zuciyar ta, dan jinta take kamar ‘yar data haifa a cikinta. Itama hajiya kaka bataji dad’i hakan ba, amma bayadda ta iya sabida itama tanaso ta mayar da amanar da aka bata, shima dady basan tafiyar zahra yake ba sabida harga ALLAH yana son zahra har zuciyarsa. Hajiya kaka ce ta katse shirun da cewa hakane amma yanzu abindda zai fi sauqi shine mu daukko takardar da mahaifiyarta ta bawa abdul ai akwai address d’in gidan a ciki kaga bazamu sha wahalar gano gidan ba.

Kwari hakane zuwa gobe sai muje ni da ke hajiya da kuma maryam d’in, dady ya qarasa fad’i yana kallan ammi, share hawayan ammi tayi tare da cewa hakane yaya ammafa ni gaskiya banason rabuwa da zahra, wani dogwan tsaki momy taja wandda tundda aka fara maganar batace uffan fa, cewa tai ai kuwa maryam rabuwa da zahra ya zama dole tindda bake kika haifeta ba kuma nan ba gidan UBANTA bane.

Tana kai qarshan maganar dady ya dakatar da ita !!! Dakata halima nifa banason rashin mutunci ke kullum bakinki baya furta al khairi, tundda hajiya da maryam ne suka raini zahra dole suji d’acin rabuwa da itama nima kai na ina qaunar zahra ke bama ni kadai ba har sauran yaran gidannan musammanma abdul da ilham dan nasan duk yaran gidan nan ba wandda ya shaqu da zahra sama da abdul da ilham.

Hakane Abubakar dan nasan yaran gidan nan zasuyi maraicin zahra dan in aka cire mashkhur da abdul a yaran gidan nan bawandda yasan zahra ba ‘yar gidan nan bace dan su a tinanin suma ‘yan biyu ita da ilham, cewar hajiya kaka. Hakane hajiya amma bayadda muka iya yanzu kije ki daukko takaddar addres d’in gidan kafin gobe zansa a binciko min gidan nasu, bamusu hajiya kaka ta tashi tare da kwantar da zahra da take ta sharar bacci, sanan ta wuce part d’in ta dan d’akko takaddar.

Momy kuwa a zuciyarta ta qullaci hajiya kaka amma tadau al washin sai taga bayan ta sabida tana shigar mata hanci da qudindine. Tawani fannin kuma tana farin ciki gobe za’a mayar da zahra gida sabida momy ta tsani zahra sosai dan ko kallata bataso tayi.
Tofa kimanin minti talatin kenan su dady suna jiran hajiya kaka amma shiro.

Ammi ce ta shawarci dady akan suje su duba ko lafiya sukaji hajiya kaka shiru, ba musu dady ya amince ita dai momy bata bisu ba tana zaune a falon ammi tana qarewa zahra harara, ita dai zahra batama san abindda take ba dan bacci takewa.
Lokacin dasu ammi suka qarasa wajan hajiya kaka sun sameta duk ta futo da kayan wardrobe d’in ta duk tabi ta hargitsa bedroom D’in. Dady ne yace hajiya lafiya kika hargitsa d’akin ko bakiga takaddar bane?.

Dagowa hajiya kaka tayi tare da cewa ehh wlh tun dazu nake neman takaddar ban gantaba, to hajiya ke a ina kika ajiye takaddar ne wai? Cewar ammi. Wlh maryam a cikin durowar mudubi na ajiye kuma ko kafin mutafi saudiya naganta. Da sauri ammi ta dafe qirji tare da cewa INNALILLAHI wa’inna’ilaihirraji’un da sauri dady da hajiya suka kalle har suna had’a baki wajan cewa maryam lafiya.

Ajiyar zuciya ammi tai tare da cewa ai kuwa kafin ki dawo munyi kwalema a d’akin nan harma su mashkhur sun tara takaddu kuma sun kai mai gadi ya qona shine nake tinanin anya basu had’a da takddarnan ba aciki?
Aaa baza mu yanke hukunci yanzuba wata qila sun ajiyeta a wani wajan bari su dawo daga makarnta sai a tambaye su, cewar dady.

Jinjina kai hajiya kaka tayi tare da cewa gaskiyane to ALLAH ya dawo dasu lafiya, dukkan su suka had’a baki wurin cewa Ameen.
Misalin wajan qarfe biyu abdul ya dawo daga makaranta, dama su faruq da haidar sun rigashi dawowa shikuma mashkhur sai qarfe hadu zai dawo. Bayan sunci abinci sun hutu suka wuce islamiyya. Mashkhur kuwa sai wajan qarfe hudu da wani abu ya dawo gida, ko da yadawo gida yaci abinci sanan yayi wanka ya kwanta bacci.

Bayan dady ya dawo da magriba ya kirawo abdul da mashkhur, domin tambayar su tskaddar address d’in gidan su zahra. Dady, ammi, momy,hajiya kaka, mashkhur, abdul, duk sun hallara a falon. Ammi ce ta fara magana kamar haka!! Yauwa mashkhur dama su muke mu tambayeku, har suna hada baki wajan cewa to ammi munaji, yauwa dama tambayar ku zanyi lokacin da kuna gyarawa hajiya d’aki bakuga wata takadda a durowar mudubi ba????.

Shiru sukayi ko wannan su ya tafi tunani, dady ne ya katse su ta hanyar cewa ko bakuganta bane?. Acin avellinese take? Dasauri hajiya kaka tace ehh aciki take. Ehh NAGANTA, cewar mashkhur, har suna had’a baki wajan cewa to tana ina? NAYAGATA kuma ANQONATA. INNALILLAHI mashkhur mai yasa kayi hakan shikenan ka cucemu! Momy ce mai fadar hakan cikin tashin hankali.

Murya a sanyaye dady yace mai sunan baba meyasa ka yaga takaddar kuma ka kai aka qona? Dady wlh bansan takaddar tanada amfani ba kuma ban karanta kafin na yagaba.
Falon ya dau shiru kowa jimami yake itakuwa momy sai fama zubawa mashkhur bala’i take. Mashkhur yayi mamakin fadan da yaga momy tanayi ita da batayi mai fada sam bata ganin laifin sa, a zuciyar mashkhur cewa yayi tab duk yadda akai takaddar nan tana da matuqar amfani.

Maganar dady ce ta katse momy daga fad’an da take tayi, sanan ta dawo da kowa daga tinanin da yatafi. Haba halima mene na fad’a ko bakisan qadda ba eeye? ALLAH ne yasa hakan ta faru kuma duk abindda kikaga ya faru da sanin uban gida, ALLAH yayi ZAHRA bazamu mayar da ITA wajan IYAYANTABA. Ai ba momy ba har mashkhur sai da gabansa ya fad’i rass agigice ya d’ago yana kallan dady da yake cigaba da kora bayani.

Shikuwa abdul yanajin hakan wani farin cike ne ya lulub’e shi tare da furta ALHAMDULILAH, a cikin zuciyar sa.
Yanzu abindda za’a yi tundda mun rasa takaddar addres d’in gidan su zahra, zahra zata cigaba da zama damu har muga abindda ALLAH zai’yi daman zahra ta saba damu muma mun saba da ita kamar ‘yar gidan nan muka d’auketa, kuma nima ina qaunar zahra inason ta kamar ‘yar da na haifa acikina.

Dady nima walli inason ta dan ALLAH karku mayar da ita, cewar abdul, ai yana qaras fad’ar hakan yaji wani gigitaccan mari a kumatun sa. Bakowa bane ya mari abdul face momy, sai wani huci take kamar zaki!! Ashe abdul baka da hankali taya yarinyar da bamusan asalin taba zamu cigaba da zama da ita, wai har wani cewa kake kana son ta koh? Wlh abdul baka gaji halina ba, in banda hauka mai za’a yi da ‘yar sadaka, yarinyar da uwarta tai sadaka da ita a bakin titi.

Ke maryam wai sabida me ke baki da mutunci ne eyee? Tom wlh bari kiji zahra sai ta zauna a gidan nan, ba indda zata, hajiya kakace ta fad’i hakan cikin fad’a, kuma da kike maganar abdul bai kwashi halinki ba ai sai ki godewa ALLAH da bai kwaso mugun halinki ba dan ke baki da wani hali mae kyau sai baqin hali da mugunta, hajiya kaka ta qarasa maganar tana watsawa momy harara. Shiru momy tayi tana mae qarewa hajiya kaka zagi a zuciyar ta.

Ammi kuwa cewa tai dan ALLAH hajiya kiyi haquri ki dena fad’a nan, tundda ba halima ce take ruqe zahra ba ae shikenan kuma ni zan cigaba da rainon zahra insha ALLAH kuma ina qaunar zahra kamar yadda nake son ilham. Mashkhur dai yayi shiru yanajin abindda yake faruwa dan bai yadda da gaske wannan abun yake faruwa ba yafi tunanin a mafarki ne, ladamace ta kamashi da Kuma dana sani akan takaddar da ya yaga kuma yakai aka qona.

Dady ne ya qatse kuwa da cewa! Shikenan komai ya wuce, kuma ke halima mene na tayar da hankalinki tinda bake zaki riqe zahra ba, kuma daga yau sai yau kar na sakeji kin aibata zahra ko kin muzan tata dan itama ‘yace agidan nan. Bayan haka inaso na gargad’e akan abu d’aya, banaso kuwa ya sake cewa zahra ba ‘yar gidan nan bace. Kai babana wato mashkhur da abdul nasan duk yaran gidan nan ba wani mai wayo sai ku, dan faruq da haidar basusan komai akan zahra ba barema rukayya da rumaisa’u

Dan haka kar naji maganar nan tafito duk wandda ya sake ya tayar da maganar nan har yaran gidan nan suka san zahra ba ‘yar gidan nan bace to Wallahi sai ransa ya 6aci, bama iya kuba harda ke halima(momy) dan nasan zaki aikata, 6angaran maryam da hajiya kuwa bani da haufi hakan su dan nasan zasu iya yin shiru da bakin su. Kunjini koh? Insah ALLAH dady zamu kiyaye cewar abdul.

Momy da mashkhur kuwa shiru sukayi kamar ba dasu ake ba. Mai sunan baba bakaji abindda nace bane? Cewar dady” asanyaye mashkhur yace naji dady kuma in sha ALLAH zan kiyaye. Ok ku tashi ku tafi, ba musu mashkhur da abdul suka tashi su ka shige ciki. 6angaran momy kuwa sai da dady yace wai halim bakiji abindda nace bane?. Yamutsa fuska tayi tare da cewa naji ALLAH yasa mukiyaye daga haka tatashi ta fuce daga d’akin ko sallama batayi musuba.

Tofa mashkhur yau ya shiga matsanancin halin da bai ta6a shigaba” kuma duk ba akan komai bane face zaman zahra gidan” mashkhur yayi ladamar yaga takaddar nan dan dayasan addres d’in gidan su zahra ne a ciki da bai yagaba kuma har an qona. Daran ranar dai mashkhur ko banci kirki bai ba sabida tsabar takaici da baqin ciki ga tsanar zahra ta sake nunkuwa a zuciyar sa.

6angaran abdul kuwa hmmm masu karatu ko ban sheda muku irin farin cikin da abdul yake cikiba zaku sheda, dan tundda aka haifi abdul bai ta6a farin cikiba irin yau ba ” dan ko marin da mahifiyar sa momy taimai yama manta sabida tsabar murna, yanzu shikenan zahrata bazata tafi ba zamu cigaba da zama tare da ita” abundda abdul yake ta fad’a kenan.............

-maman xuhra
-nafisat
-twins
-ummu abdul

Ina yimuku godiya da fatan alkhairi, kuma inajin dad’i qarfafamin guiwair da kuke Allah yabar zumunci” muna tare in sha Allah.....

*Game buqatar littafin ADALILINTA har indda muka tsaya sai yayimin magana ta wannan number 08142246343 WhtsApp kawai bandda kira.FREE book ne bana kud’i ba.

Now book on 2023.
[11/06, 22:24] Maman Xuhra: “ADALILINTA”
ADALILINTA 💜❤️💜

BY AMINA BAYERO 💜❤️💜

Typing..........

*page 39*

Yanzu shikenan zahrata bazata tafi ba zamu cigaba da zama tare da ita” abunda abdul yake ta fad’a kenan.

6angaran momy hmmm tashiga baqin ciki sosai dan kuwa!! ba qaramar tsana tayiwa zahra ba. dama dangin momy basu qaji arziki ba, ‘yan gudin hijira ne sam basaso a ra6e su ko a qaru dasu basu gaji mutunci ba, shiyasama momy ta tsani zahra.
6angaran ammi kuwa tayi farin ciki sosai sabida itama bataso ta rabu da zahra dan ta d’auke ta kamar ‘yar ta.

Hajiya kakama taji dad’i hakan dan ba qaramin so takewa zahra ba, amma tana