ce.

Kai ameer mata kuma maman zahra ce fa ruma ta fad'a hakan. Cikin mamaki mashkhur yace kai ameer mai tai ma haka mama sunan ta fa ba mata ba. Share majina ameer yayi tare da cewa ta tafara min da zahra ta,. Cikin mamaki mashkhur yace ta tafi da ita ina kuwa?. Gidan ta mana wai kaduna, cikin mamaki mashkhur yace kaduna kuma ameer yaushe ko jiya fa sai da na ga zahra banda qarya fa.

Aa yaya mashkhur ba qarya yake ba da gaske ne yau da safe suka tafi harma da ilham. Mamaki ne ya sake daskarar da mashkhur cikin zuciyar shi yace to ni kenan maye matsayina kuma da izinin wa ta tafi?. Kai wanan abu yayi yawa wai ni mai aka mayar dani mutum da matar sa amma bashi da iko da ita sabida rashin tsari?. Mashkhur yana kai nan ya hango ammi ta riqe abdul suna saukowa daga kan step a hankali.

Jiki a sanyaye mashkhur ya miqe ya nufi su abdul zuciya fam a cike kamar ta fashe sabida baqin ciki. Yana qarasawa ya ruqo abdul tare da cewa abdul sunnu congratulations masha ALLAH, tinda gashi yanzu har ka fara takawa koh?. Murmushi abdul yayi zuciya cike da kewar zahra yace hmm wlh kuwa jiki masha ALLAH yaya mashkhur ina samun sauqi sosai.

Daga haka mashkhur ya qarasa da abdul kan kujera suka zauna. Cikin muryar majinyata abdul yace haba ameer ka dena kukan nan haka ka bari zamuje mu d'auko ta ni da kai, kayi haquri ma taje rasha ta dawo, bare nan da kaduna ka dena kukan nan haka mana. Cikin kuka ameer yace to yaushe zamuje gidan matar.

Dariya ammi tai tare da cewa kai ameer wai sai ka ringa cewa mata, maman tace fa, kuma gidan su ta tafi. Wani kallo ameer ya watsawa ammi tare da cewa, wlh ba gidan su bane nan ne gidan su. Zama ammin tai akujera tare da cewa to shikenan jeka kaci abinci ka. Noqe kafad'a ameer yayi tare da cewa aa sai kin gayamin yaushe zahra taza dawo.

Ammi gyara zama tai tare da d'an satar kallan mashkhur tana cewa ba rana bare wata dawowar ta ba yanzu ba ameer. Mashkhur ji yayi kamar an nitsa mai mashi a zuciyar shi sabida tsabar damuwa, shida ko kwana biyu yayi bai ga zahra ba sai yaji kamar zai mutu bare wata tabbb. Kafin kace kwabo gumi ya tsinke mai nan da nan jikin sa yayi sanyi.

Ammi kuwa wani siririn murmushi ta saki dama da biyu ta fad'i maganar tana so taga yadda mood d'in mashkhur zai kasan ce. Kuma tabbas ta son yanzu mashkhur ya fara son zahra amma taurin kai irin nasa ya hana ya fad'a. A zuciyar ta tace hmmm zakai bayani ne da kyau ba kai mai taurin kai ba, in sha ALLAH daga wanan karon ka gama taurin kai ai so ba wasa ba. Amma a fili miqewa tai tare da cewa abdul sannu bari na zubo ma abinci kaci...............

Godiya mai tarin yawa ga wanda suke min addu'ar samun sauqi da kuma ya jiki ngd sosai ALLAH yabar qauna ana tare in sha ALLAH na samu sauqi, yanzu zan cigaba da yi muku posting kullum.

Mu had'e a next page.

BY AMINA BAYERO 💜❤💜

Typing..........

*page 111*

zuciyar ta tace hmmm zakai bayani ne da kyau ba kai mai taurin kai ba, in sha ALLAH daga wanan karon ka gama taurin kai ai so ba wasa ba. Amma a fili miqewa tai tare da cewa abdul sannu bari na zubo ma abinci kaci...............

Mashkhur kuwa rai ba dad'i ya miqe ya bar d'akin zuciya cike fall da kewar zahra. Bai tsaya ko inaba sai bedroom d'in shi yana zuwa ya kwanta ya fara tinanin menene mafita?. Wani irin so da shauqi zahra ne suka kama mashkhur ko ta ina yana rufe ido ita yake gani. Mashkhur yana cikin wanan halin yaji wayar shi tana ringing, jiki ba kwari ya miqa hannu tare da d'aukar wayar yana duba sunan mai kira.

A hanzarce mashkhur ya d'aga sabida ganin sunan dady, bayan mashkhur sun gama gaisawa da dady, dady yace mai yazo yana son ganin sa. Mashkhur yana kashe wayar zuciya ba dad'i ya miqe ya fuce daga bedroom d'in. Mashkhur yana fita bai tsaya ko ina ba sai part d'in dady. Yana shiga ya wuce d'akin dadyn bayan dady ya bashi izini baki d'auke da sallama.

Fuska sake dady ya amsawa mashkhur sallamar, bayan mashkhur ya shigo har qasa ya tsuguna ya gai da dady bayan sun gama gaisawa ya tashi ya zauna. Gyaran murya dady yayi tare da cewa, nasan kana ta jiran wanan ranar ko? Cikin mamaki mashkhur yace dady wace rana?. Yau mana kasan lokacin da na d'ibar ma na sakin mamana ya wuce kuma baka sake ta ba sabida mutuwar rukkayya,.

Amma yanzu tinda komai ya wuce na baka dama zaka iya sakin mamana yanzu nan,. Mashkhur wani kallo ya d'ago yakewa dady kallan bai gamsu da maganar dady ba,. Dady kuwa kora jawabi ya cigaba da yi sanan bayan ka sake ta ya kamata ka nemi mata kai aure. Haba dady da kan ka kuma kake maganar saki? Mashkhur ya fad'i hakan hankali a tashe. Cikin mamki dady yace ee mana ai abinda kake so kenan kuma ya kamata na cikama alqawarin da na d'aukar ma.

Haba dady karka manta ALLAH ne yace ayi saki amma shi ma kansa bayaso ayi,. Ah mai sunan baba ban gane wanan maganar taka ba nifa ba tursasaka nai akan ka saki mamana ba kai kace zaka sake ta kuma kunce bakwason junan ku ba sai ku rabu ba kowa yaje ya auri wanda yake so. Girgiza kai mashkhur yayi tare da cewa aa dady gaskiya ni bazan iya sakin ta ba.

Cikin mamaki dady yace sabida mai ko ka fara son ta ne?. Girgiza kai mashkhur yayi tare da cewa ni ban fara son taba kawai dai bazan iya sakin ta bane sabida hakan ba dad'i. Wani irin kallo dady ya watsawa mashkhur tare da cewa haba wanan wana irin abu ne tinda ba son ta kake ba ka sake ta mana wanda suke sanda su aure ta. Haba dady wani ya aure ta fa kace in na sake ta.

Cikin mamaki dady yace to da nufin ka in ka sake ta sai tai ta zama a haka ba aure koh?. Girgiza kai mashkhur yayi tare da cewa ai bazan ma sake ta ba bare wani ya aure ta dady. Dady yana qoqarin magana ammi ta murd'a handle d'in kofar ta shigo bakin ta d'auke da sallama hannu riqe da tire d'in abincin breakfast d'in dady. Bayan dady ya amsa mata cewa yayi yauwa maryam ai gwara da kika zo yanzu zo kiji wani ikwan ALLAH.

Ammi qarasawa tai ta ajiye tire d'in akan table tare da cewa to lafiya mai yake faruwa yaya?. Ni da wanan yaron ne kiji abun mamaki wai a lallai bazai sakar mana 'yar ba. Zama ammi tai tare da cewa to sabida mai kenan?. Oho shi ya sani ba wani dalili, kallan mashkhur ammi tai tare da cewa ko dai ka fara son ta ne bamu sani ba. Mashkhur girgiza kai yayi tare da cewa aa ni bana son ta kawai bazan sake ta bane.

Lallai mashkhur abinda bazai ta6a faruwa ba kenan tinda baka son ta ka sake ta mana ammi ta fad'a tana tsare shi da ido. Haba ammi kema da kanki kika cewa na sake ta gaskiya ni bazan sake taba. Jinjina kai ammi tai tare da cewa to tashi kaje amma ka kwana da sinin cewa har dai ba son ta kake ba ba zamu ta6a amincewa ka zauna da ita a matsayin mata ba. Jiki a sanyaye mashkhur ya miqe tare da cewa sai anijima sanan ya fuce.

Yana fita dady yace lallai wata sabuwa in kana duniya za kaga abin mamaki kala-kala maryam. Murmushi ammi tai tare da cewa hmmm ai kuwa dai amma kasan sabida mai ya qi sakin ta kuwa?. Girgiza kai dady tai tare da cewa aa ina fa na sani, murmushi ammi tai sanan tace son ta yake yi fa. Girgiza kai dady yayi tare da cewa ina ko dai kin manta halinsa ne taya zai so ta ai taurin kansa bazai ta6a bari ya so mamana ba.

Murmushi ammi tai tare da cewa nima da haka nai tinanin amma daga qarshe sai naga zahira hmmm kai dai ka bari ba ya fara hakan ba, to mu zuba mai ido muna nan da kai zai zo yace yana son ta. Jinjina kai dady yayi tare da cewa tom ALLAH yasa ai mu hakan muke fata. Cikin mamaki ammi tace kana nufin in yazo yace yana son ta sai mu amince kenan?.

Gyad'a kai dady yayi tare da cewa eee mana hakan ya kamata ayi ai muma sai mumfi jin dad'i hakan. Tabba ai wlh mashkhur bai isa ba kafin ya cigaba da zama da zahra a matsayin matar sa sai ya gane kuskuran sa, sai ya dai na taurin kan nan nasa gaba d'aya a duniya. Jinjina kai dady yayi tare da cewa hmmm to ALLAH dai ya nuna mana ranar da zai ce yana so, zai ma fad'a yaya kawai mu zuba mai ido zaka gani ne.

Mashkhur sabida tashin hankali da kyar ya iya qarasawa bedroom d'in shi. Yana qarasawa ya baje akan bedroom zuciya na dukan uku-uku. Na shiga uku yanzu fa so suke su rabani da zahra mashkhur ya fad'a a zuciyar shi hankali a tashe. No never for ever wlh bazan ta6a sakin ta ba har a bada ina son ki zahra wlh ina qaunar ki bazan ta6a iya rayuwa babu zahra ba.....

5 days a go.

To fah yanzu hankalin mashkhur ya sake tashi sosai sabida rashin ganin zahra, ga wani irin mugun son ta da yake ji yake kamar ya rufe ido ya gan shi a kusa da zahra. Gashi yaga ammi da dady sun share shi da maganr zahra yana so yaje ya gaya musu akan a dawo mai da matar shi zahra amma yana jin nauyin hakan, sabida yasan baza su ta6a yarda ba har sai yace yana son ta, shi kuma mashkhur gani yake bazai ta6a karya record d'in rayuwar sa ba.

Sabida shi tun yana yaro baya canza magana in ya kafe akan abu d'aya in yace baya so tofa baya son abu, ko mai zai faru amma sai gashi yanzu ALLAH ya jarrabe shi da son zahra.
6angar abdul kuwa jiki yayi kyau masha ALLAH, yanzu yana iya komai da kansa har abinci yana ci abinda ya rage kawai kwarain jiki da kuma mai da jikin sa.

Yau kwana shida kenan mashkhur yana tinanin mafita game da zahra. Ko ishashan abinci mashkhur baya samu yaci kullum tinanin mafita yake amma yanzu ya gama yanke shawarar zuwa wajan ammi da dady ya sanar da su yana son matar sa. Misalin qarfe 5 na yamma mashkhur ya shiga 6angaran ammi yana shiga bai tsaya ko ina ba sai bedroom d'in ammi.

Baki d'auke da sallama mashkhur ya shiga, zaune ya tarar da ammi tana yanke farjan qafar ta. Zama mashkhur yayi a gefan ta tare da cewa ammi ina wani barka da yamma, gyara zama ammi tai tare da cewa barka dai mashkhur sannu da shigowa ka shigo a dai-dai kaga dai ba mai yanke min farce nasan abdul bacci yake su haidar kuwa basa nan ruma tana girki, tinda ka shigo sai ka cigaba da yanke min farce koh?.

Tom ammi shikenan daga haka mashkhur ya kar6i abin yanke farce ya cigaba da yankewa ammi farce zuciya cike fall da tinanin taya zai fara gayawa ammi zancan nan. Bayan mashkhur ya gama yankewa ammi farce gyara zama yayi tare da cewa ammi dama ina so na gaya miki wani abu. Gyara zama itama ammi tai tare da cewa to mashkhur ina jinka menene.

Hmmm ammi da akan maganar zahra ne, cikin zuciyar ammi tace anzo wajan, amma a fili sai tace uhmm ina jinka. Ammi wai yaushe zata dawo ne? Nima mashkhur ban sani ba wlh, ammi to gaskiya ya kamata ta dawo, to kai meye damuwar ka da dawowar ta, ammi ta watsawa mashkhur tambayar. Jim mashkhur yayi can kuma yace sabida matata ce mana.

Hmmm lallai kam matar kace, mene amfanin dawowar ta ita da ba tarewa zatai ba kuma ba santa kakale ba kawai ka rabuda da ita ta zauna a can, ka sake ta ta auri masu son ta. Haba ammi nifa bazan sake taba ina son ta dan ALLAH kuce ta dawo wlh ina son ta. Hmmmm yanzu aka fara wasan, ammi ta fad'a a zuciyi a fili kuma cewa tai gaskiya ne naji kana son ta sai akayi yaya?.

Ee sai ta dawo mana ammi mu tare da ita a gidan mu da ake gina mana, lallai mashkhur kama dena maganar tariya sabida ita ba son ka take ba. Aa ammi zata so ni mana zan sa ta so ni. Jinjina kai ammi tai tare da cewa shikenan kaje kasa ta fara son ka mude namu ido ne ta amince zata tare a gidan ka shikenan, ai ahmad abokin ka gidan su ne kaje ya raka ka.

Jim mashkhur yayi na wasu lokutan can kuma yace gaskiya ammi ni bazan iya zuwa kaduna gidan su ba sai dai ku kuce mata ta dawo. Hmmm lallai mashkhur kana da sauran aiki a gaban ka, sai dai kuwa ka gama zama da zahra a matsayin matar ka har in mu zamu ce ta dawo in kasan kana son ta kaje ka dawo da ita da kan ka kaji ko?. Girgiza kai mashkhur yayi tare cewa nifa ammi bazan iya zuwa gidan su ba.

Hmmm da kyau mashkhur in dai bazaka iya zuwa gidan su ba ka dawo da ita haka zalika muma bazamu iya cewa ta dawo sabida kai ba, kuma ma kai a nufin ka zamu sake yiwa zahra dole akan sai ta so ka ne ko ta cigaba da zama da kai a matsayin mijin ta, wlh baka isa ba mashkhur har sai zahra ta bud'e bakin ta tace tana son ka kuma ta yarda zata zauna da kai a matsayin mijin ta tukunna zamu amince muma.

Rai ba dad'i mashkhur yace to shikenan ammi ALLAH ya wuci zuciyar ki ni zan iya jira ta dawo sai na gaya mata amma bazan ta6a zuwa gidan su ba. Daga haka mashkhur ya miqe ya fuce, hmmmm yaro yaro ne bai san wuta ba sai ya taka muje zuwa mashkhur ai yanzu ma aka fara wasa lallai ma hmmm ammi ta qarasa maganar tana saki wani siririn murmushi mai cike da tausayawa mashkhur.

KADUNA.

To fah zahra da ilham sun zama 'yan garin kaduna, suna shan yawo sosai kullum a fita shan ice cream suke da zuwa shoppe nana ce take kai su ko ina da yake ta iya drive. Zahra ba laifi ta saba da mutan gidan sosai ta saki jikin ta da su musamman maman ta da nana. Zahra tana jin dad'i zaman kaduna kamar gida duk abinda suke so ana yi musu, amma sai dai zahra tayi mutuqar d'aga hankalin ta akan sai ta koma kano ta duba yaya abdul.

Duk da kuwa suna waya amma tace ta yarda ma tana so ta koma kano ko dai bazata kwana ba ta duba abdul ta dawo. Abban zahra yace a barta taje ta duba shi sai ta dawo dan haka yanzu zahra sun shirya tsaf ita da ilham harma da nana dumin zuwa duba yaya abdul. Satin su zahra d'aya kenan a kaduna. Washe gari da safe driver ya d'ebe su zuwa kano da yake nana bata iya drive mai tsayi ba............

KANO.

Su zahra sun sauka garin kano lafiya qalau. Drive yana parking su zahra suka futo cike da zumid'i suka shige cikin gidan. Direct 6angaran ammi suka wuce. suna shiga suka tarar da ameer yana wasa a babban falon da gudu ameer ya qaraso wajan zahra tare da cewa oyoyo aunty zahra ta. Itama zahra cikin farin ciki ta rungume shi tare da cewa oyoyo my ameer d'i na.

Bayan zahra da ameer sun gama rungume juna cewa tai ameer ina ammi. Tana kicin tana dafa mana abinci ita da ruma. Murmushi zahra tai tare da cewa yauwa zo muje ko, daga haka zahra ta kama hanyar kicin hannu riqe da ameer nana da ilham suna biye da ita. Suna shiga kicin zahra ta qarasa wajan ammi tare da rungume ta tana cewa oyoyo ammi.

Cikin farin ciki ammi tace ah mutanan kaduna kune?, kwana nawa kika zahra amma kika dawo?. Murmushi zahra tai tare da cewa eee mana ammi wajan yaya abdul nazo ya jikin nasa so nake na duba shi. Murmushi ammi tai tare da cewa jikin abdul da sauqi tun yaushe abdul ya samu sauqi harya koma part d'in su ma yanzu yana can. Sakin ammi zahra tai sanan ta rungume ruma a gaggauce, ta sake ta tare da cewa ilham kuzo muje wajan yaya abdul.

Daga haka zahra ta fuce da sauri, ilham da nana ko gaisawa basuyi da ammi ba